Balagam Movie : ఇటీవల కాలంలో ప్రేక్షకులకి మంచి వినోదం పంచిన చిత్రం బలగం. చిన్న సినిమాగా విడుదలైన ఈ చిత్రం పెద్ద విజయం సాధించింది. మార్చి 3వ తేదీన వచ్చిన ఈ సినిమా పెట్టిన పెట్టుబడికి పదింతల లాభాన్ని తీసుకొచ్చింది. ఇప్పటికీ థియేటర్లలో విజయవంతంగా ప్రదర్శితం అవుతున్న ఈ సినిమా ఓటీటీలో విడుదల కావడానికి రెడీ అవుతోంది. అమెజాన్ ప్రైమ్ వీడియోతో పాటు, సింప్లీ సౌత్ ఓటీటీ ఫ్లాట్ఫామ్స్లలో మార్చి 24 నుంచి ఈ చిత్రం స్రీమింగ్ అవ్వనుంది. ఫారెన్ కంట్రీస్లో ఉన్న ఇండియన్స్, అందునా తెలుగవారు సింప్లీ సౌత్లో ఈ ఫీల్ గుడ్ మూవీ చూడవచ్చు.
నేటి రాత్రి 12 గంటల నుంచి ఈ సినిమా అమెజాన్ ప్రైమ్లో స్ట్రీమ్ కానుంది. ఇప్పటికీ ఈ సినిమా ప్రతి రోజూ రూ. కోటి వరకు వసూలు చేస్తుంది. 20 రోజుల్లో ప్రపంచవ్యాప్తంగా రూ.21.73 కోట్ల గ్రాస్ను, రూ.9.92 కోట్ల షేర్ కలెక్షన్లను అందుకుంది. ఈ సినిమా బిజినెస్ రూ.1.15 కోట్లే కావడం విశేషం. తెలంగాణ బ్యాక్డ్రాప్లో తెరకెక్కిన ఈ సినిమాకు తొలి షో నుంచే పాజిటివ్ టాక్ వచ్చింది. ఈ సినిమాను చూసిన ప్రతి ఒక్కరు చాలా బాగుందని ప్రశంసలు కురిపించారు.. పల్లెటూరి ప్రేమలను, ఆప్యాయతలను ఈ చిత్రంలో బాగా చూపించారని చెప్తున్నారు. పెద్ద పెద్ద స్టార్స్ నటించకపోయినా, కథలోని బలం ప్రేక్షకులను ఆకట్టుకుంది. మౌత్ టాక్తోనే ఈ సినిమాకి హిట్ టాక్ దక్కింది.
తొలి సినిమానే అయినా దర్శకుడు వేణు.. తెలంగాణ ప్రజల ఆత్మకు తెర రూపం ఇచ్చారన్న ప్రశంసలు దక్కుతున్నాయి. చిన్న సినిమాగా రిలీజైన బలగం రోజురోజుకూ ఆడియన్స్ బలగం పెంచుకుంటూ ముందుకు సాగుతుంది. ఒకప్పటి జబర్దస్త్ కమెడియన్ వేణు.. డైరెక్టర్గా మారి అద్భుతమైన సినిమా తీసాడు. ఈ సినిమాకి విమర్శకుల ప్రశంసలు కూడా దక్కుతున్నాయి. దిల్ రాజు ప్రొడక్షన్స్ బ్యానర్పై హర్షిత్, హన్షిత నిర్మించిన ఈ సినిమా మంచి లాభాలే రాబట్టింది.
