Ranga Maarthaanda : క్రియేటివ్ డైరెక్ట‌ర్ కృష్ణ వంశీ తెర‌కెక్కించిన తాజా చిత్రం రంగమార్తాండ. మరాఠీ మూవీ నటసామ్రాట్ కి రీమేక్ గా రూపొందిన ఈ మూవీలో ప్రకాష్ రాజ్, బ్రహ్మానందం, శివాత్మిక రాజశేఖర్, రమ్యకృష్ణ, రాహుల్ సిప్లిగంజ్, ఆలీ రెజా తదితరులు ముఖ్య పాత్ర‌లు పోషించారు. మ్యాస్ట్రో ఇళయరాజా మ్యూజిక్ అందించారు. మొదటి నుండి అందరిలో మంచి అంచనాలు ఏర్పరిచిన ఈ మూవీని ఉగాది సందర్బంగా ప్రేక్షకుల ముందుకి తీసుకు రాగా, ఈ చిత్రాన్ని కాలిపు మధు, ఎస్. వెంకట్ రెడ్డి ఈ మూవీని గ్రాండ్ గా నిర్మించారు. రంగస్థల కళాకారుల జీవితం, అందులోని కష్ట సుఖాలను వారి ఆలోచనలు, భావోద్వేగాలను దర్శకుడు కృష్ణవంశీ ఎంతో అద్భుతంగా చూపించారని పలువురు ప్రేక్షకులు తమ అభిప్రాయాలు తెలియ‌జేస్తున్నారు.
చిత్రంలో కీలక పాత్రలో నటించిన ప్రకాష్ రాజ్, బ్రహ్మానందం, రమ్యకృష్ణ తమ తమ పాత్రల్లో కనబరించిన సహజ నటనకు ప్రేక్షకుల నుండి మరింత గొప్ప ప్రసంశలు అందుతున్నాయి. మొత్తంగా తమ సినిమా అందరినీ అలరిస్తుండడంతో రంగమార్తాండ యూనిట్ సంతోషం వ్యక్తం చేస్తోంది. ప్రస్తుతం థియేటర్స్ లో ఈ మూవీ హిట్ టాక్ తో దూసుకుపోతోంది. ఇలాంటి తరుణంలో రంగమార్తాండ డిజిటల్ రైట్స్ ను ప్రముఖ ఓటీటీ సంస్థ అమెజాన్ ప్రైమ్ వీడియో కొనుగోలు చేసినట్లు టాక్ వినిపిస్తుంది. అయితే ఈ సినిమా విడుదలైన నాలుగు వారాల తర్వాత ఓటీటీలో రిలీజ్ చేయనున్నారట మూవీ మేకర్స్.
ఈ సినిమాకు పెట్టిన బడ్జెట్లో దాదాపు 70 శాతానికి పైగా రికవరీ అయ్యేలా మూవీ టీం అమెజాన్ తో ఓటిటి డీల్ కుదుర్చుకున్నట్లు తెలుస్తుండ‌గా, చాలా సంవత్సరాల గ్యాప్ తర్వాత దర్శకుడు కృష్ణవంశీ ఈ సినిమాను తనదైన శైలిలో తెరకెక్కించి ఈ సినిమాతొఓ మంచి హిట్ అందుకున్నాడు. మరో మూడు నాలుగ వారాల తర్వాత ఈ చిత్రం అమెజాన్ ప్రైమ్‌లో ఓటీటీ స్ట్రీమింగ్ కానుంద‌ని అంటున్నారు. ఇక ఇదిలా ఉంటే ఈ సినిమా హిట్ తర్వాత కృష్ణవంశీ ఏ హీరో తో తన నెక్స్ట్ మూవీ చేయబోతున్నాడు అనేది ఇప్పుడు సర్వత్రా ఆసక్తికరంగా మారింది.
