Chandra Hass : బుల్లితెర స్టార్ ప్రభాకర్ గురించి ప్ర‌త్యేకంగా చెప్ప‌న‌క్క‌ర్లేదు. ఆయన చాలా సీరియ‌ల్స్‌తో పాటు, సినిమాల‌లో న‌టించి మెప్పించాడు. ఇప్పుడు ఆయన త‌న‌యుడిని ఇండ‌స్ట్రీకి పరిచయం చేయాల‌ని చూస్తుండ‌గా, ప్రస్తుతం మూడు సినిమాల‌తో బిజీగా ఉన్నాడు. అయితే ప్రభాకర్ తనయుడు చంద్రహాస్ హీరోగా పరిచయం అయ్యే ముందు ఆయన విమ‌ర్శ‌ల బారిన ప‌డుతున్నాడు. ఆ మ‌ధ్య ప్రెస్ మీట్‌లో యాటిట్యూడ్ చూపించాడ‌ని విమ‌ర్శ‌లు చేయ‌గా, ఇప్పుడు ఆయన ఫోటోల‌ని ఉద్దేశించి టార్గెట్ చేస్తూ కామెంట్ చేస్తున్నారు.
తాజాగా ప్రభాకర్ తనయుడు చంద్రహాస్ అయ్యప్ప స్వామి మాలలో ఉన్నాడు. ఆయన కొత్త కారు కొన్న విషయాన్ని, అలాగే ఫ్యామిలీతో కలిసి ఆధ్యాత్మిక టూర్‌కి వెళ్తున్నట్టుగా విషయాన్ని షేర్‌ చేసుకుంటూ ఫోటోలను పోస్ట్ చేశాడు చంద్రహాస్. అయితే ఇందులో చంద్రహాస్ ఇచ్చిన పోజులు వివాదంగా, విమర్శలకు తావిస్తుంది. తన కొత్త కారుపై ఆయన ఇచ్చిన స్టయిలీష్‌ పోజులు చూసి నెటిజన్లు విమ‌ర్శ‌లు చేస్తున్నారు. ఇందులోనూ ఆయన యాటిట్యూడ్ చూపిస్తున్నారని నెటిజన్లు సెటైర్లు పేలుస్తున్నారు. స్వామి మాలలో ఉండి ఇలాంటి పిచ్చి వేశాలేంటి స్వామి..అంటూ మండిప‌డుతున్నారు.
స్వామి మాల వేసి మా నోళ్లు మూయించావని, లేదంటూ ఈ సారి గట్టిగా ట్రోల్ చేసేవాళ్ల‌మ‌ని కొంద‌రు ఈయ‌న‌పై విరుచుకుప‌డుతున్నారు. ఇక చంద్రహాస్ హీరోగా పరిచయం అయిన చిత్రానికి కృష్ణ దర్శకత్వం వహిస్తున్నారు. దీంతోపాటు ఏవీఆర్‌ మూవీ వండర్స్ సంపత్‌ వి రుద్ర దర్శకత్వంలో ఓ సినిమా, ప్రభాకర్ సొంత నిర్మాణ సంస్థ శ్రీ సుమనోహర ప్రొడక్షన్స్ లో మరో సినిమా చేస్తున్నాడు. ప్రస్తుతం ఎంట్రీతోనే మూడు సినిమాలు లైనప్‌లో ఉండటం విశేషమనే చెప్పాలి. మొత్తానికి ప్రభాకర్ తన కుమారుడిని హీరోగా నిలబెట్టేందుకు గట్టిగానే ప్రయత్నాలు చేస్తున్నారు. మ‌రి ఈ విమ‌ర్శ‌ల మ‌ధ్యఆయ‌న ఎలా రాణిస్తాడు అనేది చూడాలి.
