Dejavu Movie : కంటెంట్ ఉన్న సినిమాలకి బాషతో సంబంధం లేకుండా బాక్సాఫీస్ని షేక్ చేస్తాయి అనే విషయం తెలిసిందే. ఇటీవల కాంతార అనే కన్నడ చిత్రం తెలుగుతో పాటు ఇతర బాషలలోను మంచి వసూళ్లు రాబట్టి అందరిని ఆశ్చర్యపరచింది. ఇక కంటెంట్ ప్రధానంగా తెరకెక్కిన మిస్టరీ థ్రిల్లర్ చిత్రం డెజావు సూపర్ హిట్ టాక్ను సొంతం చేసుకోగా, ఈ చిత్రం తెలుగులో అమెజాన్ ప్రైమ్ వీడియోలో విజయవంతంగా స్ట్రీమింగ్ అవుతుంది. అరుల్నిథి , మధు బాల స్మృతి వెంకట్ అచ్యుత్ కుమార్ , కాళీ వెంకట్ , మిమే గోపి ప్రధాన పాత్రల్లో నటించిన ఈ మిస్టరీ థ్రిల్లర్కి అరవింద్ శ్రీనివాసన్ దర్శకత్వం వహించారు.
గ్రిప్పింగ్ ట్విస్ట్లు, ఊహించని మలుపులతో డెజావు చిత్రాన్ని శ్రీనివాసన్ తెరకెక్కించారు. ఒక నవల రచయిత ఊహించిన పాత్రలు సజీవంగా వచ్చి బెదిరించినప్పుడు ఏం జరుగుతుంది? కల్పన అనేది భయానక వాస్తవంగా మారినప్పుడు ఏమవుతుంది అనే నేపథ్యంలో డెజావు చిత్రం తెరకెక్కించారు. ఈ కథలో పోలీసు ఇన్వెష్టిగేషన్ ప్రారంభం కావడం, హత్యలు, ఇతర ఘోరమైన ఘటనలు చోటుచేసుకోవడం, చిత్రంపై ఉత్కంఠను పీక్స్లోకి తీసుకెళుతుంది. దర్శకుడు ఈ చిత్రాన్ని చివరి వరకు సస్పెన్స్తో నడిపించడం ప్రేక్షకులను ఆకట్టుకుంటుంది.
2022 జూలైలో తమిళంలో ఈ సినిమా థియేటర్లలో విడుదలైనప్పుడు సూపర్ హిట్ టాక్ సొంతం చేసుకోవడంతో పాటు మూవీ విమర్శకుల ప్రశంసలు కూడా అందుకుంది. ఈ విధమైన నాణ్యమైన కంటెంట్, థ్రిల్లింగ్ అనుభూతిని తెలుగు ప్రేక్షకులకు అందించాలనే ఉద్దేశంతో భవాని డీవీడీ ఇంక్ పై రాజశేఖర్ అన్నభీమోజు తెలుగు వెర్షన్ను నిర్మించారు. ఈ చిత్రానికి జిబ్రాన్ సంగీతం, పీజీ ముత్తయ్య సినిమాటోగ్రఫీ అందించగా, మూవీ మాత్రం ప్రేక్షకులని ఎంతగానో కట్టిపడేస్తుంది.
