Kattappa : ప్ర‌భాస్ హీరోగా ద‌ర్శ‌క ధీరుడు రాజమౌళి తెర‌కెక్కించిన విజువ‌ల్ వండ‌ర్ బాహుబలి. రెండు పార్ట్‌లుగా తెర‌కెక్కి అనేక అద్భుతాలు క్రియేట్ చేసింది ఈ చిత్రం. ఈ సినిమాలో అతి కీలకమైన పాత్రలు ఐదు. బాహుబలి, భల్లాల దేవుడు, శివగామి, దేవసేన, కట్టప్ప.అయితే సినిమాను మలుపు తిప్పేది, రెండో భాగం కోసం దేశవ్యాప్తంగా ఆసక్తిని రేకెత్తించిన పాత్ర మాత్రం ‘కట్టప్ప’. ‘బాహుబలిని కట్టప్ప ఎందుకు చంపాడు’ అనే ప్రశ్న అప్పట్లో మారుమోగింది. కట్టప్ప పాత్రను తమిళ నటుడు సత్యరాజ్ పోషించారు. గుర్తుండిపోయేలా నటించి మెప్పించారు.ఆయ‌న పాత్రకి నీరాజ‌నాలు ద‌క్కాయి.
కట్టప్ప పాత్ర న‌మ్మించి మోసం చేసే పాత్ర అనే చెప్పాలి. బాహుబలి పక్కనే ఎంతో నమ్మకంగా ఉండే కట్టప్ప బాహుబలిని వెన్నుపోటు పొడుస్తాడు .అలా కట్టప్ప బాహుబలిని ఎందుకు చంపాడు అనే పాయింట్ ని హైలెట్ చేస్తూ మొదటి పార్ట్ కి ఎండింగ్ ఇచ్చాడు దర్శకుడు . ఈ సినిమాలో ఆ పాత్రకి అంత ప్రాధాన్యత ఉంది కాబట్టే ఈ పాత్ర కోసం మొదట రాజమౌళి మలయాళ సూపర్ స్టార్ అయిన మోహన్ లాల్‌ని అడిగినట్టు స‌మాచారం. అయితే ఆ క్యారెక్టర్ నచ్చక మోహన్ లాల్ దాన్ని రిజక్ట్ చేశాడని తెలుస్తుంది…కానీ ఈ సినిమా రిలీజ్ తర్వాత ఆ పాత్ర కి చాలా పేరు వచ్చింది దానితో మోహన్ లాల్ ఈ పాత్ర చేస్తే ఇంకా హైలెట్ గా ఉండేది అని చాలా మంది అనుకున్నారు.
ఇక బాలీవుడ్ ‘మున్నాభాయ్’ సంజయ్ దత్ కూడా వదులుకున్నారట. కట్టప్ప క్యారెక్టర్ కోసం మొదట సంజయ్ దత్‌ను సంప్రదించారట దర్శకుడు రాజమౌళి. అయితే స్క్రిప్ట్‌ విన్న సంజయ్ దత్.. కట్టప్ప పాత్ర అంత బలంగా లేదని భావించి అవకాశాన్ని వదులుకున్నారట. ఈ విషయాన్ని ఆ మ‌ధ్య ఓ ఇంటర్వ్యూలో సంజయ్ దత్ వెల్లడించారు. సంజయ్ దత్ వదులుకోవడంతో అటు తిరిగి.. ఇటు తిరిగి ఆ పాత్ర సత్యరాజ్‌కు దక్కింది. సత్యరాజ్ కెరీర్‌లోనే ఒక మైల్‌స్టోన్‌గా నిలిచింది. ప్రతి బియ్యపు గింజపై తినే వారి పేరు రాసి ఉంటుందట. అలానే ప్రతి పాత్ర ఎవరికి దక్కాలో చివరికి వారికే దక్కుతుంది.
