Honey Rose : హనీరోజ్.. ఈ పేరు వీరసింహారెడ్డి సినిమా తర్వాత తెగ మారుమ్రోగిపోతుంది. అప్పుడెప్పుడో తెలుగులోకి ఎంట్రీ ఇచ్చిన హాట్ బ్యూటి వీర సింహా రెడ్డి సినిమాతో ఎనలేని క్రేజ్ తెచ్చుకుంది. ఇప్పుడు తెలుగు రాష్ట్రాల్లో హనీ రోజ్ అంటే తెలియని వారు లేరు అంటే అతిశ‌యోక్తి కాదు. ముఖ్యంగా మా బావ మనోభావాలు దెబ్బతిన్నాయే అనే పాటతో అదరగొట్టింది. హనీ రోజ్ అసలు పేరు హనీ రోజ్ వర్గీస్. ఈ బ్యూటిఫుల్ లేడీకి ధ్వని, పొన్ను అని ముద్దు పేర్లు కూడా ఉన్నాయ‌ట. కేరళలోని మూలమట్టం అనే గ్రామంలో సైరో-మలబార్ క్యాథలిక్ కుటుంబంలో జన్మించింది.
నిజానికి హానీ రోజ్ మలయాళ బ్యూటీ కాగా, అక్కడ మోహన్ లాల్‌ తో ఓ సినిమాలో నటించి.. సూపర్‌ హిట్ అందుకుంది. ఆ తర్వాత అక్కడ హనీరోజ్ క్రేజ్ పెరిగింది. దీంతో ఈ బ్యూటీకి వరుసగా ఆఫర్లు వస్తున్నాయి ఈ బ్యూటీకి. ఆఫర్లు రావడమే కాదు ప్రమోషన్స్‌ తోనూ బిజీగా ఉంది ఈ హాట్ బ్యూటీ. షాప్‌ ఓపెనింగ్స్‌ మరియు సోషల్ మీడియా ప్రమోషన్స్‌ తో డబ్బులు బాగానే వెన‌కేసుకుంటుంది. ఇక ఇటీవల హైదరాబాద్, ఖ‌మ్మంతో పాటు ప‌లు ప్రాంతాల‌లోను మలయాళ బ్యూటీ హనీరోజ్ షాపింగ్ మాల్స్ ఓపెన్ చేస్తూ బిజీగా ఉంటుంది. అయితే సోషల్ మీడియా టాక్ ప్రకారం ఈ హాట్ బ్యూటీ ఒక్కో షాపు ఓపెనింగ్ కు దాదాపు 8 లక్షలు తీసుకుంటుందని సమాచారం.
హనీరోజ్ ను చూసేందుకు ఫ్యాన్స్ ఎక్కువగా రావడంతో ఆ రేంజ్ లో పుచ్చుకుంటుందట. 2008లో ‘ఆలయం’.. 2014లో ‘ఈ వర్షం సాక్షిగా’ సినిమాలు చేసి తన అదృష్టాన్ని పరీక్షించుకుంది. అయితే.. ఈ రెండు సినిమాలు కూడా హనీకి తెలుగులో మంచి హిట్ ఇవ్వలేకపోవ‌డంతో కాస్త గ్యాప్ తీసుకుంది. మళ్లీ 8 ఏళ్లకు బాలయ్య సరసన వీరసింహారెడ్డి మూవీ ద్వారా రీఎంట్రీ ఇచ్చింది. ఈ సినిమా బాక్సాఫీస్ వద్ద మంచి సక్సెస్ అయ్యేసరికి అమ్మడికి వరుసగా అవకాశాలతో పాటు క్రేజ్ కూడా అమాంతం పెరిగిపోయిందని చెప్పాలి. ప్ర‌స్తుతం హనీరోజ్ విహార యాత్ర‌లో బిజీగా ఉంది. అక్కడ కూడా అందాలు ఆర‌బోస్తూ నానా ర‌చ్చ చేస్తుంది. ఈ అమ్మ‌డి పిక్స్ ఇప్పుడు నెట్టింట వైరల్ అవుతున్న‌యి.
