Balagam Venu : కొన్ని క‌థా చిత్రాలు ప్రేక్ష‌కుల‌ని ఇట్టే క‌ట్టి ప‌డేస్తుంటాయి. అలాంటి వాటిలో బలగం చిత్రం ఒక‌టి. చిన్న సినిమాగా వచ్చి ప్రజల మనసులు దోచింది మూవీ. అంతే కాదు ఎందరో అన్నా చెల్లెల్లు.. అన్నాతమ్ములను కూడా కలిపింది ఈసినిమా. మెగాస్టార్ నుంచి ఇండస్ట్రీ పెద్దలంతా.. అద్భుతం అని మెచ్చుకున్న ఈ సినిమా ఇటీవ‌ల థియేటర్లలో 50రోజులు పూర్తి చేసుకుంది. మంచి ఎమోషన్స్ తో కూడిన ఈ సినిమాకు.. జబర్థస్త్ కమెడియన్ వేణు యెల్దండి దర్శకత్వం వహించ‌గా, ఇందులో ప్రియదర్శి మరియు కావ్య కళ్యాణ్‌రామ్ ప్రధాన పాత్రల్లో నటించారు. కమర్షియల్‌గా భారీ బ్లాక్‌బస్టర్‌గా నిలిచిన ఈ చిత్రం ఇప్పటికీ థియేటర్స్‌లో మంచి రెస్పాన్స్ అందుకుంటుంది.
అయితే తాజాగా ఈ సినిమాలోని ఎమోషనల్ సీన్‌ని శ్రీదేవి డ్రామా కంపెనీలో అప‌హాస్యం చేశారు. తాజాగా శ్రీదేవి డ్రామా కంపెనీకి సంబంధించి ప్రోమో విడుద‌ల కాగా, ఇందులో బలగం చిత్రంలోని కొన్ని సీన్స్‌ని పేరడీతో హైపర్ ఆది, తాగుబోతు రమేష్, బుల్లెట్ భాస్కర్ కామెడీ చేశారు. బలగం దర్శకుడు వేణు ముందే వాళ్ళు కామెడీ చేయ‌గా, కొంద‌రు దీనిపై పెద‌వి విరుస్తున్నారు. అందుకు కార‌ణం చిత్రంలో కొమరయ్య మరణించే సన్నివేశాలు,ఆ తర్వాత కాకికి పిండం పెట్టే సీన్స్ చాలా ఎమోషనల్ గా ఉంటాయి.
ఆ సన్నివేశాలలో హైపర్ ఆది, తాగుబోతు రమేష్, భాస్కర్ న‌టించి కామెడీ పండించారు.. చివర్లో బలగం తరహాలో జబర్దస్త్ ప్రవీణ్ పాట పడుతూ హైపర్ ఆది, రష్మీ ఇలా ఒక్కొక్కరి గురించి కామెడీగా వివరించి అలరించాడు. రష్మీ గురించి పాట పాడుతూ.. గాలోడు గాలోడు అంటే గాలికి పోయాడు.. ఈమె ఇక్కడే ఉండిపోయింది అంటూ ప్రవీణ్ నవ్వించారు. అయితే అంత ఎమోషనల్ సీన్‌ని ఇలా కామెడీ చేయ‌డం ఏంట‌ని కొంద‌రు తిట్టిపోస్తున్నారు. శ్రీదేవి డ్రామా కంపెనీ పూర్తి ఎపిసోడ్ ఏప్రిల్ 30న ప్రసారం కానుంది. బలగం సినిమాను హర్షిత్ రెడ్డి, హన్షితారెడ్డి నిర్మించగా… ధమాకా ఫేమ్ భీమ్స్ సిసిరోలియో సౌండ్‌ట్రాక్‌లను సమకూర్చారు. వేణు యెల్దండి, మురళీధర్ గౌడ్, జయరామ్, రూప, రచ్చ రవి తదితరులు కీలక పాత్రలు పోషించారు.ఇక ఈమూవీ ఎన్నో అవార్డ్ లను సైతం సాధించింది.
