Kiran Kumar : ‘డబ్బులు ఊరికే రావు..’ అనే మాటలు వినగానే మనందరిలో ఒక రూపం మెదులుతుంది. ఆయనని చూస్తే ఎవరికైన చిన్న చిరునవ్వు ముఖంపైన వస్తుంది. తెలుగు కమర్షియల్ యాడ్స్ రంగంలోనే ఓ విప్లవానికి నాంది పలికిన లలిత జ్యువెలరీ ఓనర్ కిరణ్ కుమార్… సినిమా, స్పోర్ట్స్ స్టార్స్, మోడల్స్ ఎవరి సాయం తీసుకోకుండా తన సంస్థకి అద్భుతమైన ప్రచారం కలిపించి తెలుగు కమర్షియల్ యాడ్స్ రంగంలోనే ఓ విప్లవానికి నాంది పలికాడు. కంపేర్ చేసి బంగారం కొనండి. డబ్బులు ఎవరికి ఊరికే రావు అంటూ కిరణ్ కుమార్ తన సంస్థకి అద్భుతమైన ప్రచారం కల్పించాడు.
తక్కువ ధరలకే నాణ్యమైన బంగారు ఆభరణాలను అందిస్తున్న లలిత జ్యువెలరీ కర్నూల్ లో తన 51వ షోరూంను పార్క్ రోడ్డు లోని మేడం కాంపౌండ్ లో శనివారం అట్టహాసంగా ప్రారంభించింది. ఈ ప్రారంభోత్సవ కార్యక్రమంలో లలిత జ్యువెలరీ చైర్మన్ మేనేజింగ్ డైరెక్టర్ డాక్టర్ ఎన్ కిరణ్ కుమార్, కర్నూలు ఎంపీ డాక్టర్ సంజీవ్ కుమార్, రాజ్యసభ మాజీ సభ్యులు టీజీ వెంకటేష్, ఎమ్మెల్యేలు అబ్దుల్ హాఫిజ్ ఖాన్, తదితరులు పాల్గొన్నారు. దక్షిణ భారతదేశంలో అగ్రగామిగా గుర్తింపు తెచ్చుకున్న లలిత జ్యువెలరీ 51 షోరూంను కర్నూలో ప్రారంభించడం ఆనందంగా ఉందని అన్న ఆయన ప్రజలు పెద్ద మొత్తంలో తమ కష్టార్జితాన్ని ఆదా చేయవచ్చని, మార్కెట్లోనే ఇతర షోరూంలో లభించని సరికొత్త బంగారు నగల కొనుగోలు పథకంను అందిస్తున్నామన్నారు.
తను చాలా పేద కుటుంబంలో జన్మించానని, సాధారణ వ్యక్తికి సరైన ధరలో నగలు కొనడం అనేది ఓ పెద్ద ఛాలెంజ్ అన్న విషయం నాకు తెలుసు అన్నారు. నగల రంగంలో ఉచితాలు, బహుమతులు, డిస్కౌంట్ ల పేర్లతో కస్టమర్లను కన్ఫ్యూజ్ చేస్తుంటారని, ప్రజలు కష్టపడి సంపాదించిన డబ్బు విలువ నాకు బాగా తెలుసు కనుకనే కస్టమర్లకు నేను అవగాహన కల్పిస్తుంటానని కిరణ్ కుమార్ వెల్లడించారు. నచ్చిన నగలకి ఫొటో తీసుకోండి, ఎస్టిమేట్ చేయండి, నాలుగు షాపులు కాకపోతే 40 షాపులు తిరగి కంపేర్ చేయండి. ఎక్కడ తక్కువ ఉంటే అక్కడ కొనుక్కోండి. ఈ డైలాగ్ కోసమే 400 కోట్లు ఖర్చు పెట్టానని కిరణ్ కుమార్ అన్నారు.
