Mallareddy : మంత్రి మల్లారెడ్డికి సినీ సెలబ్రిటీలకి ఉన్నంత ఫ్యాన్ ఫాలోయింగ్ ఉంది. ఇటీవల కాలంలో ఆయన చెప్పిన డైలాగులు తెగ వైరల్ అవుతున్నాయి. మైకు పట్టుకున్నారంటే.. జనాల ముఖాల్లో నవ్వులు గ్యారెంటీ అన్నట్టే. ఆయన కామెడీ చేస్తారని కాదు.. ఆయన మాట్లాడే తీరును జనాలు ఎంజాయ్ చేస్తారని. ఆయన స్పీచుకు.. జనాలే కాదు.. రాజకీయ నేతలు కూడా ఫ్యాన్స్ ఉన్నారు. అందులో మంత్రి కేటీఆర్తో పాటు ఎమ్మెల్సీ కవిత కూడా ఉన్నారు. రీసెంట్గా మంత్రి మల్లారెడ్డి ఇప్పుడు సీఎం కేసీఆర్ను కూడా నవ్వించారు. అప్పుడెప్పుడో.. పాలమ్మినా, పూలమ్మినా, కష్టపడ్డా.. సక్సెస్ అయినా.. ఎమ్మెల్యే అయినా.. మంత్రినైనా.. అంటూ అసెంబ్లీ మొత్తాన్ని కడుపుబ్బా నవ్వించిన మల్లారెడ్డి… ఇప్పుడు అసెంబ్లీ ఎన్నికల ప్రచార సభలో.. తనదైన స్టైల్లో స్పీచ్ ఇచ్చి గులాబీ బాస్ కేసీఆర్ ముఖంలో నవ్వులు పూయించారు.
ఇక మచ్చలేని లీడర్ కేసీఆర్ అని, ప్రజల హృదయాల్లో నిలిచారని, ముచ్చటగా మూడోసారి సీఎంగా గెలవడం ఖాయమని అన్నారు. పీల్చే గాలి, పారే నీరు, పండే పైర్లు.. తెలంగాణ జోరు.. అది కేసీఆర్తోనే సాధ్యమైందన్నారు. రాజకీయాలకతీతంగా సబ్బండవర్గాల అభివృద్ధికి అనేక సంక్షేమ పథకాలను ప్రవేశపెట్టి, అమలు చేస్తున్న ఘనత కేసీఆర్దే అని ఆయన చెప్పుకొచ్చారు. తెలంగాణలో అమలవుతున్న పథకాలు దేశానికి ఆదర్శప్రాయంగా ఉన్నాయని, ఇతర రాష్ట్రాలని ఆకర్షిస్తున్నాయని కొనియాడారు.. రాష్ట్రంలో అమలవుతున్న పథకాలను చూసిన సమీప రాష్ర్టాల ప్రజలు తమకు కూడా కేసీఆర్ సీఎం కావాలని కోరుకుంటున్నారన్నారు.
అయితే మేడ్చల్ సభలో మధుప్రియ.. మల్లారెడ్డితో కలిసి తెగ సందడి చేసింది. భుజంపై ఎర్రని తువాలు వేసుకొని పాట పాడుతూ మల్లారెడ్డితో డ్యాన్స్ చేయించింది. అంతేకాదు ఇద్దరి మధ్య సరదాగా కొంత చర్చ జరిగింది. మల్లారెడ్డి ఏదో అనడం, ఆమె మైక్ తీసుకోవడం ఆ మైక్ అడుగుతున్నా కూడా మధుప్రియ మైక్ తీసుకెళ్లి వేరే వారికి ఇవ్వడం తిరిగి అది మల్లారెడ్డి తీసుకోవడం అందరి దృష్టిని ఆకర్షించింది.
