Mohan Babu : కలెక్షన్ కింగ్ మోహన్ బాబు తూటాల్లాంటి మాటలతో ఒక్కోసారి హాట్ టాపిక్గా మారుతూ ఉంటాడనే సంగతి తెలిసిందే. ఇటీవల ఆయన బర్త్ డే సందర్భంగా ఇంటర్వ్యూలో పాల్గొనగా, ఆ ఇంటర్వ్యూలో కొన్ని సంచలన కామెంట్స్ చేశారు. తన కుమారుడి పెళ్లి తనకు ఇష్టం లేదని కొందరు ప్రచారాలు చేయడంతో దానిపై ఘాటుగా స్పందించారు. మంచు మనోజ్-భూమా మౌనికాల పెళ్లి న్యూస్ కొద్ది రోజుల క్రితం ఎంత హాట్ టాపిక్ అయిందో మనం చూశాం. మార్చి 3న వీరిద్దరు వివాహం చేసుకోగా, కొద్ది మంది సన్నిహితుల మధ్య ఈ వివాహ వేడుక జరిగింది.
అయితే వారి పెళ్లికి మోహన్ బాబు ఒప్పుకోలేదని, ఆ పెళ్లికి ఆయన హాజరుకారు అని వార్తలు షికార్లు చేశాయి. అయితే ఈ వార్తలను కొట్టిపారేస్తూ.. మనోజ్- మౌనికల పెళ్లికి హాజరై వధూవరులిద్దరిని ఆశీర్వదించారు మోహన్ బాబు. మనోజ్ పెళ్లి గురించి నాకు ముందే చెప్పాడు. అయితే నేను ఓ సారి ఆలోచించు అన్నాను. దాంతో ఆ నిర్ణయం సరైనదేనని నేను అనుకుంటున్నాను అని అన్నాడు. బెస్ట్ ఆఫ్ లక్ చేసుకో అన్నాను అంతే. ఇక ఎవడో ఏదో అనుకుంటాడు అని మనం చేసే పని ఆపకూడదు” అంటూ చెప్పుకొచ్చారు మోహన్ బాబు.
రూమర్స్ గురించి స్పందించిన మోహన్ బాబు.. ఏనుగు దారిపై వెళ్తుంటే.. దాని వెనకాల ఎన్నో కుక్కలు మెురుగుతాయి, మనం ఎన్ని కుక్కలను అపుతాం.. ఇక మెురిగే కుక్కలను నువ్వు మెురగనివ్వు అంటూ.. వారిని కుక్కలతో పోల్చారు. ఇక అలాంటి వారిని పట్టించుకోకుండా నువ్వు నీ దారిలో వెళ్తే.. నువ్వు గొప్పోడివి అవుతావు అంటూ చెప్పుకొచ్చారు. ఇక భూమా కుటుంబంతో తనకున్న బంధం గురించి మాట్లాడుతూ.. ‘నాకు ఎప్పటి నుంచో భూమా నాగిరెడ్డి కుటుంబం తెలుసు.. వాళ్లు చాలా మంచివాళ్లు. డోంట్ గో డీప్. వివాహం చేసుకున్నారు..ఏవేవో ప్రశ్నలు వేయకుండా.. శుభంగా ఆశీర్వదించాలి. మనస్ఫూర్తిగా నేను చాలా సంతోషంగా ఉన్నాను’ అని మోహన్ బాబు పేర్కొన్నారు.
