Rambha : సీనియర్ హీరోయిన్ రంభ ఒక దశలో టాలీవుడ్ ఇండ‌స్ట్రీని ఎంత‌గా షేక్ చేసిందో ప్ర‌త్యేకంగా చెప్ప‌న‌క్క‌ర్లేదు. తొలిముద్దు సినిమాతో హీరోయిన్‌గా ఎంట్రీ ఇచ్చిన రంభ పెద్ద కమర్షియల్ హీరోయిన్ అవుతుందని ఎవరూ ఊహించలేదు. ముద్దుగా బొద్దుగా ఉండే రంభ కెరీర్ ప్రారంభంలో కుర్ర హీరోలకే సరిపోయే ఫిజిక్‌తో అలరించ‌గా, సుమన్ లాంటి హీరోల సరసన హీరోయిన్‌గా కమర్షియల్ హీరోయిన్‌గా మంచి క్రేజ్ తెచ్చుకుంది.కొంత బొద్దుగా ఉండ‌డం వ‌ల‌న ముదురు భామ అనిపించినా మెగాస్టార్ చిరంజీవి లాంటి వారికి సరైన జోడీ అనిపించుకున్నారు. జేడీ చక్రవర్తి సరసన హీరోయిన్‌గా నటించిన బొంబాయి ప్రియుడు సినిమాలో తన అందాలను వీలైనంతగా ఆరబోసి ఒక్కసారిగా హాట్ టాపిక్ అయింది.
జేడి చక్రవర్తి, రంభ జంట‌కు అప్ప‌ట్లో మంచి క్రేజ్ ఉండేది. ఇదే క్రమంలో ‘కోదండ రాముడు’ చిత్రంలో కూడా జేడీ చక్రవర్తి, రంభ కలిసి నటించారు. జేడీ నాకు చాలా క్లోజ్ ఫ్రెండ్ అయినప్పటికీ తన పెళ్లికి రాకపోవడం పట్ల అప్‌సెట్ అయినట్లు తెలిపింది. తనకున్న అతికొద్ది మంది క్లోజ్ ఫ్రెండ్స్‌లో జేడీ చక్రవర్తి ఒకరని, అయితే ఫ్రెండ్‌షిప్ మెయింటైన్ చేసే విషయంలో పెద్ద అబద్దాలకోరు అని ఆమె చెప్పుకొచ్చింది. ఇక ఇదిలా ఉంటే బొంబాయి ప్రియుడు సినిమా షూటింగ్ టైంలో ఒక విచిత్ర సంఘ‌ట‌న జ‌రిగింది.
రాఘ‌వేంద్ర‌రావు జేడీ, రంభల‌పై కొన్ని స‌న్నివేశాల‌ను షూట్ చేస్తుండాగా జేడి రంభ‌ను ఆట ప‌ట్టిస్తు ఆ సీన్‌లో స‌రిగా న‌టించ‌డం లేద‌ట. జేడి, రంభ ఒక‌రిని ఒక‌రు ఆట ప‌ట్టించుకుంటూ ఉండ‌డంతో రాఘ‌వేంద్రుడు అనుకున్న‌ట్టుగా ఆ సీన్ రాక‌పోవ‌డంతో రాఘ‌వేంద్ర‌రావు వీళ్ళిద్ద‌రిపై ఆగ్ర‌హం వ్య‌క్తం చేయ‌టంతో పాటు మీరిద్ద‌రూ ఎంత‌సేపు ఇలా ఆట అడుకుంటారో చెప్పండి.. మీ ముచ్చ‌ట్లు అయిపోయాకే తాను షూటింగ్ చేస్తాన‌ని చెప్పి సెట్ నుంచి బ‌య‌ట‌కు వ‌చ్చేశార‌ని స‌మాచారం. ఈ విష‌యం అప్ప‌ట్లో చ‌ర్చ‌నీయాంశంగా మారింది. ఇక ఇటీవ‌ల రంభ ఫ్యామిలీకి జరిగిన కారు ప్రమాదం గురించి అందరికీ తెలిసిందే. అంద‌రు తృటిలో పెద్ద ప్రమాదం నుండి త‌ప్పించుకున్నారు.
