Rohit Sharma : గెలిచిన ఆనందంతో ష‌మీని ఎత్తుకున్న రోహిత్ శ‌ర్మ‌.. ఫిదా అయిన కియారా, నీతా అంబాని

Rohit Sharma : వ‌న్డే వ‌ర‌ల్డ్ క‌ప్ 2023లో భార‌త్ విజ‌య ప్ర‌స్థానం కొన‌సాగుతూనే ఉంది. తాజాగా న్యూజిలాండ్‌తో జ‌రిగిన సెమీ ఫైన‌ల్‌లో భార‌త్ 70 ప‌రుగుల తేడాతో ఘ‌న విజ‌యం సాధించింది. ఈ క్ర‌మంలో భార‌త్ ఫైన‌ల్ లోకి అడుగుపెట్టింది. అయితే భారత్ గెలుపు కంటే విరాట్ 50వ సెంచరీ, షమీ బంతితో చేసిన విన్యాసం ఇప్పుడు క్రికెట్ ఫ్యాన్స్ కు మంచి అనుభూతి పంచింది. షమీ ఏడు వికెట్లు తీసి సెమీ ఫైనల్ నుంచి షమీ ఫైనల్ గా మార్చేసాడు. షమీ పైన ఇప్పుడు క్రికెట్ దిగ్గజాలు ప్రశంసలు కురిపిస్తున్నారు. మ్యాచ్ పూర్తైన అనంత‌రం ష‌మీని ఎత్తేశాడు రోహిత్ శ‌ర్మ‌. అది చూసి కియారా అద్వాని, నీతా అంబాని చప్ప‌ట్ల‌తో ప్ర‌శంస‌లు కురిపిస్తూ ఫిదా అయ్యారు. ఇక విజ‌యం త‌ర్వాత మాట్లాడిన రోహిత్.. మహమ్మద్ షమీ అద్బుతంగా బౌలింగ్ చేశాడని, అతడి వల్లనే ఈ విజయం సాధించామని టీమిండియా కెప్టెన్ రోహిత్ శర్మ అన్నాడు.

ష‌మీ ఈ వ‌ర‌ల్డ్ క‌ప్‌లో బంతితో చేస్తున్న విన్యాసాలు అన్నీ ఇన్నీ కావు. షమీ సామర్ధ్యం పైన తొలుత అనుమానాలతో నాలుగు మ్యాచ్ లకు దూరం పెట్టారు. కానీ, అవకాశం వస్తూనే షమీ తానెంటో టీం మేనేజ్మెంట్ చేసిన పొరపాటు ఏంటో అర్దమయ్యేలా చేసాడు. తొలి మ్యాచ్ నుంచి చెలరేగిపోతున్న షమీ సెమీ ఫైనల్ లో న్యూజీలాండ్ బ్యాటర్లకు చుక్కలు చూపించాడు. ఎప్పుడు వికెట్ అవసరమైతే అప్పుడు షమీ ఉన్నాడనేది కెప్టెన్ రోహిత్ నమ్మకం. కెప్టెన్ నుంచి బంతి అందుకోవంతో వికెట్ తీసి షమీ తన పైన ఉన్న నమ్మకాన్ని నిలబెట్టుకున్నాడు సెమీస్ లో ధీటైన జవాబు ఇస్తున్న కివీస్ బ్యాటర్లను షమీ పెవిలియన్ బాట పట్టించాడు. ఏకంగా ఏడు వికెట్లు తీసి రికార్డు క్రియేట్ చేసాడు.

షమీపై క్రికెట్ లెజెండ్ సచిన్ టెండుల్కర్ ప్రశంసల వర్షం కురిపించాడు. ఇది సెమీ ఫైనల్ కాదని షమీ-ఫైనల్ అని చమత్కరించాడు. అటూ బ్యాటింగ్, ఇటు బౌలింగ్లో రాణించిన టీమిండియాను అభినందించాడు. బౌలింగ్ విభాగంలో షమీ ఒంటి చేత్తో కివీస్ పైన ఆధిపత్యం సాధించాడు. క్రికెట్ చరిత్రలో నిలిచిపోయే సెమీస్ లో రెండు హేమా హేమీ జట్ల మధ్య జరిగిన ఈ మ్యాచ్ ఎప్పటికీ నిలిచిపోయేలా చేసారు. ఇక ఇండియా నవంబ‌ర్ 19న ఫైన‌ల్ ఆడ‌నుంది.