Shivaji : బిగ్ బాస్ సీజన్ 7 లో శివాజీ ఒక సంచలనం. ఆయన టైటిల్ ఫేవరేట్ గా ప్రచారం అయ్యాడు. అయితే చివరి వారాల్లో అంచనాలు తారుమారు అయ్యాయి. పల్లవి ప్రశాంత్ తన ఆట తీరుతో రేసులోకి దూసుకు వచ్చాడు. పల్లవి ప్రశాంత్ టైటిల్ గెలిచినందుకు తనకు సంతోషమే అని శివాజీ అన్నాడు. ఇక నటనకు దూరమైన శివాజీ సెకండ్ ఇన్నింగ్స్ స్టార్ట్ చేసిన విషయం తెలిసిందే. నైంటీస్ టైటిల్ తో ఒక వెబ్ సిరీస్ చేశాడు. కాగా శివాజీ పాలిటిక్స్ లోకి వెళ్లి ప్రత్యర్థి పార్టీల మీద ఆరోపణలు చేశాడు. ఈ క్రమంలో అతని మీద కూడా కొన్ని ఆరోపణలు ఉన్నాయి. పాలిటిక్స్ వెళ్ళాక డబ్బులు సంపాదించారని టాక్ దీనికి మీ సమాధానం ఏంటని ప్రశ్నించగా… నేను ఈ పార్టీ దగ్గర చేయి చాచి అడుక్కోలేదు. అలా నేను డబ్బులు తీసుకున్నానని నిరూపిస్తే చచ్చిపోతాను, అని శివాజీ అన్నాడు.
చంద్రబాబు నాయుడికి వీరవిధేయుడు, భక్తుడు శివాజీ. చంద్రబాబు అరెస్ట్‌కి నిరసనగా పవన్ కళ్యాణ్ నడిరోడ్డుపై పడుకుని భక్తిని చాటుకున్నారు కానీ.. అదే శివాజీ అయితే అర్ధనగ్న ప్రదర్శనో.. అంతకు మించిన ప్రదర్శనో చేసేశాడనడంలో ఎలాంటి సందేహం లేదు. ఎందుకంటే చంద్రబాబు అంటే పవన్ కళ్యాణ్‌ని మించి భక్తి శివాజీకి. అయితే ఆయన బిగ్ బాస్ హౌస్‌లో ఉన్నప్పుడు చంద్రబాబు అరెస్ట్ జ‌రిగింది. ఆ విషయం గురించి తాజా ఇంట‌ర్వ్యూలో మాట్లాడుతూ.. చంద్ర‌బాబుని అరెస్ట్ చేసిన‌ట్టు తెలిస్తే మీరు బ‌య‌ట‌కు వ‌చ్చేవారా అని ప్ర‌శ్న అడ‌గ‌గా, మే బీ వ‌చ్చే వాడినేమో అని అన్నారు.
ఆయన ఎన్నో మంచి కార్య‌క్ర‌మాలు చేప‌ట్టారు అని కూడా శివాజి అన్నారు. ప్ర‌జ‌లకి ఏం కావాలో ఆయ‌న‌కి బాగా తెలుసు. ఆయన ఏం సంపాదించారో నాకు అన‌వ‌స‌రం. ప్ర‌జ‌ల వెన్నంట ఉన్నారు అని అన్నాడు శివాజి. ఇక ఇదిలా ఉంటే బిగ్ బాస్ హౌజ్‌లో మెచ్యూర్డ్ గేమ్‌తో ఆకట్టుకుంటున్నాడు శివాజీ.. బిగ్ బాస్ హౌస్‌లోకి వెళ్తున్నాడంటే.. హా.. ఇతను వారం కంటే ఎక్కువ ఉండడులే అనుకున్నారు చాలామంది. కానీ అందరి అంచనాలను తలకిందులు చేస్తూ.. బిగ్ బాస్ హౌస్‌లో స్ట్రాంగ్ కంటెస్టెంట్‌గా మారాడు శివాజీ. తనలోని అన్ని షేడ్స్‌ని స్టెప్ బై స్టెప్ చూపించాడు. మంచికి మంచి పంచ్‌కి పంచ్ అనేట్టుగా హౌస్‌లో అల్లాడించాడు శివాజీ. బిగ్ బాస్ హౌస్‌లోకి వెళ్లకు ముందు ఓలెక్క.. బిగ్ బాస్‌కి వెళ్లిన తరువాత మరోలెక్క అన్నట్టుగా అద్భుతమైన ఆటతీరుతో ఆకట్టుకున్నాడు శివాజి.
