Sidharth : టాలీవుడ్ మోస్ట్ ఎలిజిబుల్ బ్యాచిలర్స్ లో ఒక‌రైన శర్వానంద్ ఇటీవ‌ల పెళ్లి పీట‌లు ఎక్కిన విష‌యం తెలిసిందే. రాజ‌స్థాన్‌లో వివాహం చేసుకున్న శర్వానంద్ ఆ తర్వాత హైద‌రాబాద్ లో రిసెప్ష‌న్ జ‌రుపుకున్నారు. అయితే జూన్ 3న జైపూర్ లోని లీలా ప్యాలెస్ లో సాఫ్ట్ వేర్ ఉద్యోగి రక్షిత రెడ్డిని శర్వానంద్ ప్రేమించి పెళ్లి చేసుకున్నాడు. ఈ వేడుకకు రామచరణ్, సిద్ధార్థ్, అదితిరావు హైదరీ సహా పలువురు సెలబ్రెటీలు వివాహ వేడుకకు హాజరై.. సందడి చేశారు. ఇక ఈ పెళ్లి వేడుకలో సిద్ధార్థ్ మరింత అట్రాక్షన్ గా నిలిచాడు. అంతేకాకుండా పెళ్లిలో లైవ్ కాన్సెర్ట్ జరుగుతుంటే స్టేజీ పైకి వెళ్లి పాట పాడి అతిథులను అలరించాడు.ముఖ్యంగా రామ్ చరణ్ సిద్ధార్థ్ పాట‌కి ఫుల్ ఇంప్రెస్ అయిన‌ట్టు తెలుస్తుంది.
లైవ్ కాన్స‌ర్ట్‌లో సింగర్స్ ఓయ్ సినిమాలో ఓయ్ ఓయ్ అంటూ పాడుతుండగా స్టేజీ మీదికి వెళ్లిన సిద్ధార్థ్ తనూ గొంతు కలిపాడు. సిద్ధార్థ్ ను ఎంకరేజ్ చేసేందుకు సింగర్స్ పాడడం ఆపేయగా.. సిద్ధార్థ్ ఓయ్ ఓయ్ అంటూ పాట పాడారు. స్టేజిపై సిద్ధార్థ్ పాడుతుండగా తీసిన వీడియో సోష‌ల్ మీడియాలో తెగ హ‌ల్ చ‌ల్ చేస్తుంది.. సినిమాలోనూ ఈ పాట పాడింది హీరో సిద్ధార్థే కావడం విశేషం. కాగా, మహాసముద్రం మూవీలో శర్వానంద్, సిద్ధార్థ్ కలిసి నటించారు. ఇందులో అదితీరావు హైదరీ కథానాయికగా నటించగా.. బాక్సాఫీస్ వద్ద ఈ మూవీ డిజాస్టర్ అయ్యింది. ఈ సినిమా తర్వాత హీరోలు ఇద్దరూ మంచి స్నేహితులుగా మారారు.
గ‌త కొద్ది రోజులుగా సిద్ధార్థ్.. అదితితో కలిసి తెగ చుట్టేస్తున్నారు. వీరిద్ద‌రి మ‌ధ్య స‌మ్ థింగ్ ఉంద‌ని అంద‌రికి ఓ క్లారిటీ వ‌చ్చేసింది. కాగా సిద్ధార్థ్, అదితిరావ్ హైదరిలకు వేరే వ్యక్తులతో పెళ్ళిళ్ళై విడాకులు అయ్యాయి. సిద్ధార్థ్ 2003లో మేఘన అనే అభిమానిని ప్రేమ వివాహం చేసుకున్నారు. 2007లో ఆమెకు విడాకులు ఇచ్చారు. అప్పటి నుండి మళ్ళీ పెళ్లి మాట ఎత్తలేదు. అదితి చాలా చిన్న వయసులో సత్యదేవ్ మిశ్రా అనే వ్యక్తిని రహస్య వివాహం చేసుకున్నారు. అనంతరం అతనితో అదితి విడిపోవడం జరిగింది.
