Sobhita Dhulipala : టాలీవుడ్ మోస్ట్ ల‌వ‌బుల్ క‌పుల్ నాగ చైతన్య, సమంత విడాకులు తీసుకుంటున్నట్లు ప్రకటించి యావత్ సినీ లోకానికి షాక్ ఇచ్చారు. టాలీవుడ్ క్యూట్ పెయిర్, ఎంతో అన్యూన్యంగా ఉన్న ఈ జంట ఎందుకు విడాకులు తీసుకుందని ఇప్పటికీ అంతుచిక్కని ప్రశ్నగానే మిగిలింది. అయితే అది వారి వ్యక్తిగత వ్యవహారమే అయినా సినీ ప్రేక్షకులు, సాధారణ ప్రజలు ఈ విషయం మీద చాలా ఎక్కువ‌గా ఆస‌క్తి క‌న‌బ‌రుస్తునే వారు. వారి విడాకుల కారణాలు ఇవే అంటూ ఎన్నో ప్రచారాలు తెరపైకి రాగా, వాటిలో ఏది నిజం అనేది ఎవ‌రికి తెలియ‌దు.
అయితే సమంతతో విడాకులు తీసుకున్న నాగ చైతన్య హీరోయిన్ శోభిత దూళిపాళ్ళకు దగ్గరయ్యాడని కథనాలు వెలువడిన విషయం తెలిసిందే. వారిద్దరి మధ్య ఎఫైర్ నడుస్తుందన్న వార్తలను చైతన్య టీమ్ ఖండించారు. అయితే తాజాగా నాగ చైతన్య, శోభిత కలిసి దిగిన ఫోటో ఒకటి సోషల్ మీడియాలో వైరల్ గా మారింది. ఆ ఫోటో గ‌మినిస్తే ఒక విదేశీ టూర్ లో ఇద్దరూ ఫోటోకి ఫోజు ఇచ్చినట్లుగా క‌నిపిస్తుంది. దీంతో శోభిత-నాగ చైతన్య మధ్య ఎఫైర్ రూమర్స్ నిజమే అంటూ పెద్ద ఎత్తున ప్రచారం జరుగుతుంది. ముఖ్యంగా సమంత అభిమానులు ఈ ఫోటోని తెగ వైరల్ చేస్తున్నారు.
అయితే ఆ ఫొటోని గ‌మ‌నిస్తే అది మార్ఫింగ్ ఫొటో అని అర్ధ‌మ‌వుతుంది. వేర్వేరు సందర్భాల్లో దిగిన నాగ చైతన్య, శోభిత ధూళిపాళ్ల ఫోటోలు మార్ఫింగ్ చేశారని చైతూ అభిమానులు చెప్పుకొస్తున్నారు. నాగ చైతన్య బర్త్ డే జరుపుకున్న నెక్స్ట్ డే ఈ ప్రచారం తెరపైకి రావడం ప్రాధాన్యత సంతరించుకుంది. అప్ప‌ట్లో నాగ చైతన్యతో డేటింగ్ పై స్పందించిన శోభిత ధూళిపాళ్ల ఓ వీడియోతో సమాధానం ఇచ్చినట్లు నెటిజన్లు భావించారు. ఆ వీడియోలో శోభిత మిడిల్ ఫింగర్ చూపిస్తూ డేటింగ్ వార్తలపై సీరియస్అ యినట్లు అనుకున్నారు. అలాగే లాల్ సింగ్ చద్దా సినిమా ప్రమోషన్స్ లో ఈ రూమర్లపై నాగ చైతన్యకు ప్రశ్న ఎదురైంది. అప్పుడు చైతూ నవ్వడం కంటే ఏం చేయలేను చెప్పాడు.
