Suman : ఒకప్పుడు స్టార్ హీరోగా అలరించిన సుమన్ ఇప్పుడు సపోర్టింగ్ పాత్రలతో ప్రేక్షకులని అలరించే ప్రయత్నం చేస్తున్నాడు. అయితే ఆయన రీసెంట్గా 2023 సంవత్సర క్యాలెండర్ ఆవిష్కరణ కార్యక్రమంలో సుమన్ పాల్గొన్నారు. క్యాలెండర్ను ఆవిష్కరించిన తర్వాత మీడియాతో మాట్లాడుతూ.. ఆసక్తికర వ్యాఖ్యలు చేశారు. పవన్ కళ్యాణ్కి యూత్లో అద్భుతమైన ఫాలోయింగ్ ఉంది. ఎక్కడికెళ్లినా ఆయనకు బ్రహ్మరథం పడుతున్నారు. ఇది పెద్ద అదృష్టమని చెప్పుకోవాలి. పవన్ కళ్యాణ్, నేను మాత్రమే యాక్టర్స్ కాదు.. మీరంతా యాక్టర్లే.
దేవుడు ఒక్కొక్కరికి ఒక్కో పని అప్పజెప్పాడు. మీరు చేసే పనులు మేం చేయలేం. నేను చేసే పనులు మీరు చేయలేరు. ఒడిశాలో పట్నాయక్ ఐదోసారి సీఎం అయ్యారు. 25 సంవత్సరాలు నిరంతరాయంగా ఆయన సీఎంగా ఉండాలని రాసి ఉంది. అలా రాసి ఉంటే ఎవరు ఏం మార్చలేరు అని సుమన్ స్పష్టం చేశారు. పవన్ కళ్యాణ్ సీఎం అవ్వడానికి టైమ్ రావాలని.. రాసిపెట్టి ఉంటే ఆయన సీఎం అవుతారని పరోక్షంగా సుమన్ చెప్పుకొచ్చారు. అయితే, సినిమా విషయంలో పవన్ కళ్యాణ్ లాంటి అదృష్టం అందరికీ లేదని సుమన్ అన్నారు.
‘పవన్ కళ్యాణ్కి ఉన్న ఫాలోయింగ్ అందరికీ లేదు. ఒక మనిషి వస్తే మనందరం బాగుంటాం అని జనం మనసులో ఎప్పుడు పడుతుందో.. ఆ టైమ్ వచ్చినప్పుడు అన్నీ జరుగుతాయి. ఒక ఆర్టిస్టుగా పవన్ కళ్యాణ్కు నేను శుభాకాంక్షలు చెబుతున్నాను. ఆరోగ్యం జాగ్రత్తగా చూసుకొని రాజకీయాల్లో రాణించాలి’ అంటూ సుమన్ ఆసక్తికర వ్యాఖ్యలు చేశారు. ఇక, బీఆర్ఎస్ పార్టీకి తన సంపూర్ణ మద్దతు తెలియజేస్తున్నట్లు సుమన్ తెలిపారు. ఇటీవల కాలంలో ఐటీ రంగంలో బెంగళూరును కూడా వెనక్కి నెట్టి హైదరాబాద్ ప్రపంచ స్థాయికి చేరుకోవడం గర్వంగా ఉంది అని సుమన్ అన్నారు.
