Venkatesh : భారతీయ చిత్ర పరిశ్రమలో మోస్ట్ పాపులర్ స్టార్స్ లో ఒకరైన వెంకటేష్ నెట్‌ఫ్లిక్స్ సిరీస్ రానా నాయుడుతో స్ట్రీమింగ్‌లోకి అడుగుపెట్టడానికి సిద్ధంగా వున్నారు. సురేష్ బాబు త‌న‌యుడు రానాతో కలసి నటిస్తున్న తొలి ప్రాజెక్ట్. కెరీర్ లో ఎన్నో వైవిధ్యమైన పాత్రలు పోషించిన వెంకటేష్, ఈ సిరీస్‌లో నాగనాయుడు పాత్రలో కనిపించనున్నారు. తన అబ్బాయితో తలపడే పాత్రది. తండ్రి, కొడుకులుగా ఇద్దరూ పోటాపోటీ పాత్రలు పోషిస్తున్నారు.ఇటీవ‌ల దీనికి సంబంధించిన ట్రైల‌ర్ విడుద‌ల కాగా,ఇందులో వెంకీ బూతులు మాట్లాడుతూ కొన్ని ఎబెట్టు సన్నివేశాలు కూడా చేసిన‌ట్టు అర్ధ‌మైంది.
తాజాగా ఆ బూతులు గురించి వెంకటేష్ నోరు విప్పారు . హిందీలో బూతులు ప‌లికేట‌ప్పుడు ఏమంత ఇబ్బంది అనిపించ‌లేదు, కాని తెలుగులో మాత్రం తన ఇమేజ్ దృష్టిలో పెట్టుకొని ద‌ర్శ‌కులని ఇలాంటివి కొంత త‌గ్గించ‌మ‌ని కోరాను అని వెంకీ చెప్పారు. ఇక త‌ర్వాత దీనికి సంబంధించి సిరీస్‌లు ఏమైన చేస్తారా అంటే అందుకు రానా ఓకే అన్నారు. అయితే ఇది ఇప్పటివరకు నాకు ఒక ఎక్సయిటింగ్ ప్రయాణం. సిరీస్‌లో పనిచేయడానికి, ఒక చిత్రంలో పనిచేయడానికి చాలా తేడా వుంటుంది. కథ చెప్పే వేగం శైలికి అలవాటు పడటానికి కొంత సమయం తీసుకుంది అని వెంకటేష్ అన్నారు.
“సంక్లిష్టమైన పాత్రలు నన్ను ఆకర్షిస్తాయి. రానా నాయుడు లో చేసింది కూడా అలాంటి పాత్రే. పూర్తిగా భిన్నమైన వ్యక్తిత్వం వున్న పాత్రను పోషించడం సవాలుగా అనిపించినప్పటికీ ఈ పాత్ర తృప్తిని ఇచ్చింది” అని వెంకీ తెలిపారు. రానా నాయుడు లో వెంకటేష్ ని ప్రేక్షకులు మునుపెన్నడూ చూడని పాత్రలో ఆయన్ని చూస్తారు. గ్రిప్పింగ్ కథాంశం, హై ఆక్టేన్ యాక్షన్ సన్నివేశాలు, పవర్‌హౌస్ పెర్ ఫార్మెన్స్ కోసం, మంచి క్రైమ్ డ్రామాను ఇష్టపడే అందరూ తప్పక ఈ సిరిస్ చూడాలి. నాగా తన కుటుంబంతో తిరిగి కలవగలడా లేదా అతను తన కొడుకు రానా అంతిమ ప్రత్యర్థి అని నిరూపిస్తాడా? మార్చి 10 నుంచి నెట్‌ఫ్లిక్స్‌లో మాత్రమే రాబోయే రానా నాయుడు సిరిస్ ద్వారా అర్ధ‌మ‌వుతుంది.
