Vijay Antony : త‌మిళ హీరో విజయ్ ఆంటోని బిచ్చగాడు సినిమాతో తెలుగు ప్రేక్ష‌కుల‌కి ద‌గ్గ‌ర‌య్యాడు. సినిమాలో విజయ్ ఆంటోని న‌ట‌న‌కు మంచి పేరు ప్ర‌ఖ్యాత‌లు ద‌క్కాయి. రీసెంట్‌గా బిచ్చగాడు సీక్వెల్‌ బిచ్చగాడు-2 పేరుతో మరో సినిమాలో నటించాడు. ఈ సినిమా కూడా వసూళ్ల పరంగా బాక్సాఫీస్ దగ్గర మంచి వ‌సూళ్లు రాబ‌డుతుంది. రీసెంట్‌గా విజయ్ ఆంటోని తన సినిమా ప్ర‌మోష‌న్స్ వైరైటీగా చేస్తూ వార్త‌ల‌లో నిలుస్తున్నాడు. హైదరాబాద్‌లోని ఓ రెస్టారెంట్‌లో స‌డెన్‌గా ప్రత్యక్షమయ్యాడు విజయ్ ఆంటోని. మణికొండలో ఉన్న 1980 మిలటరీ హోటల్ పేరుతో ఉన్న రెస్టారెంట్‌లో వెయిటర్గా మారాడు విజయ్ ఆంటోని.
సినిమాలో నటించినట్లుగానే రియల్‌ లైఫ్‌లో కూడా హీరో కస్టమర్లకు బిర్యానీ ప్లేట్లు, ఫుడ్ ఐటమ్స్ సప్లై చేశాడు. తెరపై సంద‌డి చేసే హీరో విజయ్ ఆంటోని ..డైరెక్ట్‌గా హోటల్‌కి వెళ్ల‌డం అందులో వెయిటర్ డ్రెస్ వేసుకొని తమకు వడ్డన చేయడం చూసి కస్టమర్లు ఆశ్చర్యానికి గుర‌య్యారు. అలాంటి మెమరీస్‌ని తమ సెల్‌ఫోన్‌లో బంధించుకున్నారు. హీరోతో సెల్ఫీలు దిగడం, వీడియోలను తమ ఫ్రెండ్స్‌ గ్రూప్స్‌కి పంపుకోవ‌డం వంటివి చేశారు. సినిమా సక్సెస్ సందర్భంగా హీరో విజయ్ ఆంటోనితో పాటు చిత్ర బృందం కూడా హోటల్‌ని విజిట్ చేసింది. మీ హోటల్‌ని సందర్శించిన మాకు ఆతిధ్యం ఇచ్చినందుకు మీకు ధన్యవాదాలు అంటూ హీరో విజయ్ ఆంటోని తన ట్విట్ట‌ర్ వేదిక‌గా తెలియ‌జేశాడు. అదే హోటల్‌లో పని చేస్తున్న కొందరు సిబ్బందితో కలిసి ఫోటోలకి పోజులు కూడా ఇచ్చారు విజయ్.
బిచ్చగాడు 2 చిత్రాన్ని జ‌నాల‌లోకి మ‌రింత తీసుకెళ్లే క్ర‌మంలో విజయ్ ఆంటోని. కొన్ని పుణ్య కార్యాలు కూడా చేస్తాడు.తిరుపతిలో ఉన్న యాచకులకు యాంటీ బికిలీ కిట్స్ అందించాడు. అలాగే మరికొంతమంది యాచకులను 5 స్టార్ హోటల్ కు తీసుకెళ్లి మరీ.. స్వయంగా తన చేతులతో బిర్యానీ వడ్డించాడు. దీనికి సంబంధించిన వీడియో వైరల్ అయింది. ఇక ఇదిలా ఉంటే విజయ్ ఆంటోని త్వ‌ర‌లో బిచ్చగాడు 3 సినిమా కూడా చేయ‌బోతున్నాడు. ఈ సినిమా కూడా చాలా రిచ్‌గా తెర‌కెక్కించ‌నున్న‌ట్టు తెలియ‌జేశాడు.
