Vishal : కోలీవుడ్ హీరో విశాల్ త‌న తాజా చిత్రం లాఠీ మూవీ ప్ర‌మోష‌న్స్‌లో యాక్టివ్‌గా పాల్గొంటున్నారు. ఈ క్ర‌మంలో ఆయన చేసిన వ్యాఖ్యలు ప్ర‌స్తుతం నెట్టింట వైర‌ల్‌గా మారాయి. విశాల్ కుప్పం నుంచి పోటీ చేస్తాడని గత కొన్ని నెలలుగా వార్తలు చక్కర్లు కొడుతున్న నేప‌థ్యంలో తాను కుప్పం నుంచి పోటీ చేయడం లేదని క్లారిటీ ఇచ్చాడు. ఇక సీఎం జగన్, పవన్ కళ్యాణ్‌ల మీద కూడా స్పందించాడు. తనకు పవన్ కళ్యాణ్ అంటే ఇష్టమని, అయితే ఓటు వేయాల్సి వస్తే మాత్రం కచ్చితంగా జగన్‌కే వేస్తాను అంటూ చెప్పుకొచ్చాడు. సినిమాలు వేరు రాజకీయాలు వేరు అని విశాల్ చెప్పిన మాటల మీద ఇప్పుడు జన సైనికులు ఆగ్రహం వ్య‌క్తం చేస్తున్నారు.
విశాల్ లాఠీ సినిమా మీద పవన్ కళ్యాణ్ ఫ్యాన్స్ భగ్గుమంటున్నారు. సినిమాలు థియేటర్లో చూడటం వేరు.. ఓటీటీలో చూడటం వేరు.. నీ సినిమాను ఐ బొమ్మలోనూ చూడటం వేస్ట్ అంటూ ఇలా నానా రకాలుగా కామెంట్లు చేస్తున్నారు. విశాల్ చేసిన వ్యాఖ్యలు కచ్చితంగా లాఠీ సినిమా మీద పడేట్టు కనిపిస్తున్నాయి.అయితే అంత‌క‌ముందు పవన్ కళ్యాణ్ అంటే చాలా ఇష్టం అని.. ఆయన సినిమాల్లోకి రాకముందు నుంచి తనకు తెలుసున చెప్పుకొచ్చాడు. విశాల్ తండ్రి చిరంజీవితో కలిసి ఎస్పీ పరశురామ్ సినిమా చేసినప్పుడే తాను పవన్ ని చూసాన‌ని, ఆ తర్వాత ఆయనకున్న క్రేజ్, యూనిక్ స్టైల్ తనను ఎంతగానో ఆకట్టుకుందంటూ ప‌వ‌న్‌పై ప్ర‌శంస‌లు కురిపించాడు పవన్.
పవన్ ని ఆకాశానికి ఎత్తేసిన తర్వాత ఏపీ సీఎం జగన్ గురించి మాట్లాడ‌డం పవన్ ఫ్యాన్స్ కి ఆగ్రహం తెప్పిస్తుంది. ఇక విశాల్ నటించిన ‘లాఠీ’ సినిమా ఈ నెల 23వ తేదీన ప్రపంచవ్యాప్తంగా విడుదల కానుండ‌గా, ఈ సినిమా తెలుగు ప్రమోషన్లకు వచ్చిన విశాల్… లేని పోని చిక్కుల‌ని తెచ్చిపెట్టుకుంటున్నాడు.
