Vishal : తమిళ ప్రేక్షకులతో పాటు తెలుగు ప్రేక్షకులను మెప్పిస్తున్న హీరోల్లో విశాల్ ఒకడు. విశాల్ హిట్, ఫ్లాప్ లతో ఏ మాత్రం సంబంధం లేకుండా వరుస మూవీల్లో నటిస్తూ ప్రేక్షకులను అలరిస్తూ కెరీర్ లో దూసుకుపోతున్నాడు. ఇదిలా ఉంటే తనకు చేతనైనంత సాయం చేస్తూ విశాల్ మంచి ఇమేజ్నే సంపాదించుకున్నాడు. అయితే కోలీవుడ్ మోస్ట్ ఎలిజిబుల్ బ్యాచిలర్ గా పేరు సంపాదించుకున్న స్టార్ హీరో విశాల్.. త్వరలోనే పెళ్లి చేసుకోబోతున్నాడా అంటే అవుననే అంటున్నారు కోలీవుడ్ సినీ ప్రముఖులు. తాజాగా ఓ చారిటబుల్ ట్రస్ట్ సాయంతో 11 మంది పేద జంటలకు వివాహం చేశాడు విశాల్.
తాళిబొట్టు సహా ఆ 11 మంది జంటలకు ఇళ్లకు అవసరమైన వస్తువులను అందించాడు. ఈ సందర్భంగా అక్కడున్న మీడియాతో ఆయన ముచ్చటించాడు. తనకు అరెంజ్డ్ మ్యారేజ్ సెట్ కాదని, లవ్ మ్యారేజ్నే చేసుకోవాలని ఉందని ఆయన అన్నాడు. ప్రేమించిన అమ్మాయితోనే ఏడడుగులు వేస్తా.. త్వరలోనే ఆమెను మీకు పరిచయం చేస్తానని నేను ఓ పని మీద బిజీగా ఉన్నాను. యాక్టర్స్ యూనియన్ కోసం బిల్డింగ్ కడుతున్నాను. ఈ బిల్డింగ్ పూర్తయిన వెంటనే నేను పెళ్లి చేసుకుంటాను. ఆ అమ్మాయిని మీకు పరిచయం చేస్తాను. మీ ఆశీర్వాదం మా ఇద్దరికీ కావాలి అంటూ చెప్పుకొచ్చాడు.
విశాల్ ఇలా చెప్పటం టాక్ ఆఫ్ ది ఇండస్ట్రీగా మారింది. రీసెంట్గా ఆయన క్యారెక్టర్ ఆర్టిస్ట్ అభినయాను పెళ్లి చేసుకోబోతున్నాడు అంటూ ఓ న్యూస్ వైరల్ గా మారింది. అయితే అది ఫేక్ అంటూ మేము రియల్ పెయిర్ కాదు రీల్ పెయిర్ అంటూ అభినయ క్లారిటీ ఇచ్చింది. కాగా గతంలో తమిళ్ సీనియర్ హీరో శరత్ కుమార్ కూతురు నటి వరలక్ష్మి శరత్ కుమార్ తో విశాల్ ప్రేమాయణం నడిపిన సంగతి తెలిసిందే. ప్రస్తుతం విశాల్ హీరోగా నటించిన లాఠీ విడుదలకు సిద్ధంగా ఉంది. మరో వైపు మార్క్ ఆంటోని అనే సినిమాను కూడా ఆయన రీసెంట్గానే అనౌన్స్ చేశాడు.
