Dwarampudi Chandrasekhar : ప్ర‌స్తుతం వారాహి విజ‌య యాత్ర‌లో బిజీగా ఉన్న పవన్ కళ్యాణ్ ఇటీవ‌ల సిటీ ఎమ్మెల్యే ద్వారంపూడి చంద్రశేఖర్ రెడ్డిపై విరుచుకుపడ్డారు. సర్పవరం జంక్షన్‌ సభలో పవన్.. ద్వారంపూడిని ఉద్దేశిస్తూ ఘాటు వ్యాఖ్యలు చేశారు. ఈ క్ర‌మంలో ఆయ‌న వ్యాఖ్యలకు ఘాటుగా కౌంటర్ ఇచ్చారు ద్వారంపూడి. తనను ఓడిస్తానన్న పవన్ కళ్యాణ్ ఛాలెంజ్ స్వీకరిస్తున్నానని.. దమ్ముంటే కాకినాడ నుంచి పోటీ చేయాలని సవాల్ చేశారు. ‘నిన్ను తుక్కు తుక్కుగా ఓడించకపోతే నాపేరు చంద్రశేఖర్ రెడ్డి కాదు.. నాపై గెలిస్తే నేను రాజకీయాల నుంచి తప్పుకుంటా.. ఓడిపోతే నువ్వు రాజకీయాల నుంచి తప్పుకుంటావా’ అంటూ ఛాలెంజ్ చేశారు.
పవన్ కళ్యాణ్ ఒక రాజకీయ వ్యభిచారి అని తీవ్ర వ్యాఖ్యలు చేశారు. 2008లో జనసేన పార్టీ పెట్టి ఏం చేశావని పవన్ కళ్యాణ్ ను ప్రశ్నించారు. పార్టీ స్థాపించిన నాటి నుండి ఇప్పటికీ ఎవ్వరూ లేరని ఎద్దేవా చేశారు. 3 సవంత్సరాల నుండి రాజకీయంలో ఉన్నాను, ఇప్పటికీ తనతో అందరూ ఉన్నారని వెల్లడించారు. కాకినాడ నగరంలో వ్యాపారం చేసుకుంటూ రెండు సార్లు ఎమ్మెల్యేగా గెలిచానని తెలిపారు. కాకినాడలో తన సామాజక వర్గం లేనప్పటికీ అందరూ తాను కావాలని కోరుకుంటున్నారని పేర్కొన్నారు. “నువ్వు సీఎం అవ్వాలంటే ఒక్క సినిమాలో మాత్రమే సాధ్యం అవుతుంది” అని ఎద్దేవా చేశారు. “నువ్వు ఒక ప్యాకేజ్ స్టార్ వి.. ప్యాకేజ్ కుదరలేదు అందుకే వారాహి పెట్టుకుని రోడ్ పైకి వచ్చావు” అని విమర్శించారు.
తనపై చేసిన ఆరోపణలను నిరూపించాలంటూ సవాల్ విసిరారు ద్వారంపూడి రైస్ వ్యాపారం చేస్తూ రూ.15 వేలు సంపాదించాను అన్నావు అసలు నీకు ఏం తెలుసు అని పవన్ ను ఉద్ధేశించి మాట్లాడారు. “కాకినాడ నుండి రైస్ ఎక్స్ పోర్ట్ అవుతుంది అంటే దానికి మా ముఖ్యమంత్రి కారణం.. నీకు జ్ఞానం లేదు, నీ పక్కన మనోహర్ ఉన్నాడు అడిగి తెలుసుకో” అని అన్నారు. తన దగ్గర రూ.15 వేల కోట్లు లేవని.. ఒక వేళ ఉంటే తాను పవన్ కళ్యాణ్ ను కొనేసేవాడినని తెలిపారు. సీఎం పదవిపై ఆశలేదని మార్చి 14న అన్నారని.. ఇప్పుడేమో మాట మార్చి సీఎం అవుతానని మాట్లాడటం విడ్డూరగా ఉందన్నారు. ప్యాకేజీ, సీట్ల బేరం కుదరకే పవన్ రోడ్డుపైకి వచ్చారని.. పవన్ ప్యాకేజీ స్టార్ అన్ని ప్రజలకు తెలుసన్నారు. ఏపీ ప్రభుత్వ విధానాల వల్లనే పోర్టు నుంచి బియ్యం ఎగుమతులు పెరిగాయన్నారు.
