Pushpa 2 Scene : సుకుమార్- అల్లు అర్జున్ కాంబినేషన్ లో తెరకెక్కిన సూపర్ డూపర్ హిట్ చిత్రం పుష్ప. ఈ చిత్రానికి సీక్వెల్గా పుష్ప2 అనే చిత్రం అత్యంత ప్రతిష్టాత్మకంగా రూపొందుతుంది. ప్రస్తుతం చిత్రీకరణ దశలో ఉన్న ఈ సినిమా కోసం ఫ్యాన్స్ తో పాటు ఆడియన్స్ ఎంతో ఆత్రుతగా ఎదురు చూస్తున్నారు. పుష్ప పార్ట్ 1 సెన్సేషనల్ హిట్ అవడంతో పార్ట్ 2 పై కూడా అంచనాలు తారస్థాయికి చేరాయి. దీంతో పుష్ప 2 కు సంబంధించి ఏ చిన్న న్యూస్ వచ్చినా కూడా అది క్షణాలలో వైరల్ అవుతుంది. అయితే కొద్ది రోజులుగా పలు సూపర్ హిట్ చిత్రాలకి సంబంధించి లీకుల పర్వం కొనసాగుతుంది. ఎన్ని జాగ్రత్తలు తీసుకున్న కూడా ఎవరో ఒకరు షూటింగ్ సమయంలో ఫోటోలు, వీడియోలను సోషల్ మీడియాలో లీక్ చేస్తూనే వస్తున్నారు.
ప్రస్తుతం పుష్ప 2 మూవీ చిత్రీకరణ పశ్చిమగోదావరి జిల్లా గోపాలపురం మండలం గుడ్డు గూడెం లో జరుగుతోంది. అయితే ఈ లొకేషన్ ఓపెన్ ప్లేస్ కావడంతో షూటింగ్ చూడ్డానికి చుట్టుపక్కల ఊర్లో నుంచి భారీగా జనాలు తరలివచ్చారు. అందులో ఒకరు మూవీ షూటింగ్కి సంబంధించిన వీడియో సోషల్ మీడియాలో షేర్ చేశారు. . ఈ క్రమంలో షూటింగ్కు సంబంధించిన ఓ వీడియో లీకైంది. ఎర్ర చందనం దుంగలు ఉన్న లారీలు నదిలో వేగంగా వెళుతున్నట్టు వీడియోలో ఉంది. ఆ లారీలను వెంబడిస్తూ జీపులు వెనకాలే వస్తున్నాయి. ఈ షూటింగ్ ను కొందరు మొబైళ్లలో చిత్రీకరించి సోషల్ మీడియాలో పోస్ట్ చేయడంతో ఈ వీడియో నెట్టింట వైరల్గా మారింది. ఈ విజువల్స్ చూస్తుంటే.. సినిమాలో ఇది కీలకమైన సీన్గా ఉండేలా కనిపిస్తోంది. నదిలో లారీలు, జీప్లతో చేజింగ్ ఆసక్తికరంగా ఉంది. ఈ వీడియో నెటిజన్స్ని తెగ ఆకట్టుకుంటుంది.
ప్రస్తుతం పుష్ప2 మూవీ చిత్రీకరణ శరవేగంగా సాగుతుంది. ఈ సినిమా కోసం ప్రతి ఒక్కరు కష్టపడుతున్నారు. బన్నీ కూడా ఈసారి గ్లోబల్ వైడ్ గా గుర్తింపు తెచ్చుకోవాలని ఈ సినిమా కోసం భారీగా కష్టపడుతున్నాడు. మైత్రి మూవీ మేకర్స్ నిర్మాతలు సుమారు రూ.450 కోట్ల భారీ బడ్జెట్ తో పాన్ ఇండియా లెవెల్ లో ఈ సినిమాని నిర్మిస్తున్నారు. బన్నీ సరసన రష్మిక మందన హీరోయిన్ గా నటిస్తుండగా.. ఫహాద్ ఫాజిల్, సునీల్, అనసూయ లతో పాటూ సీనియర్ నటుడు జగపతిబాబు పార్ట్ 2 లో మరో కీలక పాత్ర పోషిస్తున్నట్లు తెలుస్తోంది. రాక్ స్టార్ దేవిశ్రీప్రసాద్ ఈ సినిమాకి స్వరాలు సమకూరుస్తున్నారు.
https://youtube.com/watch?v=5HJNJcabg3k
