IT Employees : దేశీయ ఐటీ పరిశ్రమ తీవ్రమైన సంక్షోభంలో ఉంది. ఈ నేపథ్యంలోనే 2023-24 ఆర్థిక సంవత్సరంలో దాదాపు 52 వేల ఐటీ ఉద్యోగాలు ఖాళీ అయ్యాయి. గత 25 ఏళ్లలో ఎన్నడూ లేని విధంగా భారతీయ ఐటీ పరిశ్రమ సంక్షోభాన్ని ఎదుర్కుంటోంది. దీని ఫలితంగానే 2023-24 ఆర్థిక సంవత్సరంలో దాదాపు 51,744 మంది తమ ఉద్యోగాల నుంచి రోడ్డు మీద పడ్డారు. భారతదేశంలోని టాప్ 10 ఐటీ కంపెనీల్లో దాదాపు 21.1 లక్షల మంది ఉద్యోగులు ఉండేవారు. కానీ సెప్టెంబర్ నాటికి వీరి సంఖ్య 20.6 లక్షలకు పడిపోయింది. కేవలం ఆరు నెలల కాలంలోనే ఐటీ కంపెనీలు దాదాపు 51,744 మందిని ఉద్యోగాల నుంచి తొలగించాయి.
2023-24 ఆర్థిక సంవత్సరంలో భారతదేశంలో టాప్ 9 ఐటీ కంపెనీలు అయిన.. టాటా కన్సల్టెన్సీ సర్వీసెస్, ఇన్ఫోసిస్, విప్రో, హెచ్పీసీఎల్ టెక్, టెక్ మహీంద్రా, కాగ్నిజెంట్, ఎంఫసిస్, పెర్సిస్టెంట్ సిస్టమ్స్, ఎల్టీఐమైండ్ట్రీలు దూసుకొస్తున్న ఆర్థిక మాంద్యం మధ్య తమ ఉద్యోగులను భారీ స్థాయిలో తగ్గించుకుంటూ వస్తుండడం ఆందోళన కలిగిస్తుంది. ఎల్అండ్టీ టెక్నాలజీ సర్వీసెస్ మాత్రమే కొత్తగా ఉద్యోగులను కంపెనీలోకి తీసుకుంది. ఎల్అండ్టీ టెక్నాలజీ సర్వీసెస్ 32 మందినే ఈ జూలై-సెప్టెంబర్ త్రైమాసికంలో ఉద్యోగాల్లోకి తీసుకున్నది. అయితే సంస్థ ఉద్యోగుల సంఖ్య ఎప్పుడూ లేనివిధంగా 22,265కి చేరింది.
విప్రో, టిసిఎస్ మరియు ఇన్ఫోసిస్ వంటి భారతదేశంలోని కొన్ని ప్రధాన ఇన్ఫర్మేషన్ టెక్నాలజీ కంపెనీలు ఈ ఏడాది జూన్, సెప్టెంబర్ మధ్య ఏకంగా 21,000 మంది ఉద్యోగులను తొలగించాయని ఎసెంట్ నివేదికలు సూచిస్తున్నాయి. క్యాంపస్ నియామకాలు కూడా ఆల్ టైమ్ కనిష్ట స్థాయికి చేరుకున్నాయి. కోవిడ్-19 మహమ్మారితో నడిచే అన్ని డిజిటల్ వస్తువులకు డిమాండ్ పెరగడంతో ఈ సంక్షోభం ఎదురయింది.కరోనా మహమ్మారి కారణంగా 2020 ఏడాది పలు ఐటీ సంస్థలు తమ ఉద్యోగులకు ఇంటి నుంచి పనిచేసే వెసులుబాటు కల్పించిన విషయం తెలిసిందే. మహమ్మారి వ్యాప్తి పూర్తిగా అదుపులోకి రావడంతో కొన్ని సంస్థలు హైబ్రిడ్ పద్ధతి ని అవలంభిస్తున్నాయి. వారానికి కనీసం రెండు, మూడు రోజులైనా కార్యాలయాలకు వచ్చి పనిచేయాల్సిందేనని స్పష్టం చేస్తున్నాయి. విప్రో కూడా తమ ఉద్యోగులకు ఇలాంటి సూచనే చేసింది. సంస్థలో పనిచేసే ఉద్యోగులు వారానికి కనీసం మూడు రోజులు ఆఫీసుకు రావాల్సిందే అని స్పష్టం చేసింది. లేదంటే చర్యలు తప్పవని హెచ్చరించింది.
