Mohan Babu : ఎప్పుడు కలిసి కట్టుగా ఉంటూ ఇతరులపై దాడి చేసే మంచు బ్రదర్స్ ఈ సారి వారిలో వారే గొడవపడ్డారు. మంచు ఫ్యామిలీలో గొడవలు జరగడం ఒక్కసారిగా జనాల్లో హాట్ టాపిక్ అయింది. మంచు సోదరులైన విష్ణు, మనోజ్ మధ్య రాజుకున్న వివాదం చిలికి చిలికి గాలివానలా మారి చివరకు సోషల్ మీడియాలో ట్రెండ్ కావడంతో ఈ గొడవ రచ్చకెక్కింది. తమ దగ్గర చాలా ఏళ్ల పాటు పనిచేసిన సమీప బంధువు సారథిపై విష్ణు చేయి చేసుకున్న వీడియోను స్టేటస్గా పెట్టిన మనోజ్.. ఇద్దరి మధ్య నానుతున్న వివాదాన్ని పబ్లిక్లో పెట్టాడు.
మోహన్ బాబు ఎంట్రీతో వివాదం సద్దుమణిగినట్టు కనిపిస్తున్నా కూడా లోలోపల ఏదో జరుగుతుందనే అనుమానాలు లేవనెత్తుతున్నారు. గొడవ జరిగిన తర్వాత మంచు విష్ణు స్పందిస్తూ.. ఇది చిన్నగొడవే అని అన్నారు. ఇక మంచు లక్ష్మి మాట్లాడుతూ.. ప్రతి కుటుంబంలో చిన్న చిన్న గొడవలు ఉంటాయి. దీనిని కొందరు తప్పుగా ప్రచారం చేస్తున్నారు. అన్నదమ్ముల గొడవ త్వరలోనే పరిష్కారం అవుతుంది, అన్నారు. అయితే మనోజ్.. వీడియో పోస్ట్ చేసి డిలీట్ చేసిన తర్వాత మీరు బ్రతకండి మమ్మల్ని బ్రతకనీయండి అంటూ.. కొటేషన్స్ షేర్ చేశారు. దీంతో మనోజ్ ఆగ్రహం చల్లారలేదు అన్నట్టుగా కొందరు భావించారు.
అయితే మంచు ఫ్యామిలీ గొడవ నేపథ్యంలో మోహన్ బాబు పాత వీడియో ఒకటి వైరల్ అవుతుంది. సదరు వీడియోలో మోహన్ బాబు తన సపోర్ట్.. విష్ణుకే మనోజ్ కి కాదని చెప్పాడు. గతంలో టాలీవుడ్ సెలబ్రిటీ లీగ్ జరగగా, అందులో విష్ణు, మనోజ్ రెండు టీమ్స్ కి ప్రాతినిధ్యం వహించారు. అప్పుడు మీరు ఎవరి వైపని మోహన్ బాబుని అడగ్గా… నేనెప్పుడూ ధర్మం, న్యాయం వైపే ఉంటాను. నిజంగా ఇక్కడ కష్టపడింది విష్ణు టీమ్. మనోజ్ టీమ్ కాదు.. అని చెప్పుకొచ్చారు. దానికి పక్కనే ఉన్న తమ్మారెడ్డి.. వన్ సైడర్గా చెప్తే ఎలా అని అన్నాడు. దానికి నేను జీవితంలో ఎన్నడూ వన్ సైడెడ్ గా లేనని అన్నారు. అదే కాక వారిద్దరి సినిమాలు చూసుకున్నా కూడా మనోజ్కి పెద్దగా మోహన్ బాబు నుండి పెద్దగా సపోర్ట్ లభించలేదని అంటున్నారు. మనోజ్ కంటే పెద్ద కొడుకు విష్ణు మీద ఆయనకు మమకారం ఎక్కువగా కనిపిస్తుందని కొందరు తెలియజేస్తున్నారు.
